Interneten saltzen ikasteko jardunaldia

Merkataritza
elektronikoa erosketak egiteko bide ohikoena bihurtzen ari da eta estatistikek
erakusten dute urtero-urtero nabarmen gora egiten duela modu honetara egiten
diren salmenten kopuruak.

Hala, datorren
urriaren 21ean, ‘Ostiralak Debegesan’ ekimenaren baitan eta Miramon
Enpresa Digitalaren eskutik, Interneten
saltzen ikasteko jardunaldia burutuko da Debegesan, “E-Commerce: Aukerak
zabalduz” izenburupean.

Ikastaroa eskualdeko ekintzaileei, kudeatzaileei, profesionalei, informatikako
arduradunei eta, orokorrean, merkataritza elektronikoari buruzko interesa duten
pertsona guztiei zuzenduta dago. Merkataritza elektronikoari buruzko oinarrizko
ezagutzaz gainera, segurtasuna eta ordainketa moduak ere landuko dira
ikastaroan.

Jardunaldia goizeko 9:00etatik 13:00etara burutuko da Debegesak
Eibarren duen egoitzan, eta parte hartzea doakoa da.

Izena emateko interesa dutenek Debegesarekin
harremanetan jar daitezke 943 82 01
10 telefonora deituz edota pymes@debegesa.com helbidera idatziz.
Baita www.viernesdebegesa.com
helbidean ere.