Debegesak Debabarreneko industria arloko enpresen errealitatea gerturatzeko ikus-entzunezkoa egin du, DBH eta Batxilergoko ikasleei zuzenduta
Dibulgaziozko izaera duen lan honekin, Debabarreneko DBHko eta Batxilergoko ikasleei eta, oro har, hezkuntza komunitateari industria arloko enpresen errealitatea gerturatzea da Debegesaren helburua. Horretarako, Debabarreneko hainbat enpresatan lan egiten duten lagunen testigantzak jaso dira, arlo ezberdinetan lan egiten dutenak. Ekimen hau Debegesak aurrera daraman Bai Industriari! egitasmoaren baitan kokatzen da.
Ikus-entzunezkoan protagonista bakoitzak 4 galderei eman die erantzuna:
- Zer ikasi zenuen, non eta zergatik?
- Zein da zure eguneroko lana?
- Zein enpresatan egiten duzu lan eta nola sartu zinen?
- Zer da zure lanetik gehien gustatzen zaizuna?
- Zer gomendatuko zenieke orain bere ikasketak aukeratu behar dutenei?
- Zergatik uste duzu eskualde industriala izaten jarraitu behar dugula?
Eskerrak eman nahi dizkiegu bideoan parte hartu duten guztiei, baita Somabe, Hadimek, Microdeco, EPC eta Zehatz enpresei ere, eskainitako laguntzarengatik eta proiektuan parte hartzeagatik.