Azitain elkarbizitza

Azitain Elkarbizitza proiektu esperimentala da, diziplina anitzekoa, Gizarteratze Sarearen esparruko hainbat eragileren lankidetzaren emaitza. Azitain-Eibarko (IMFPB Azitain) Oinarrizko Lanbide Heziketako Udal Institutuko gazteen eta nerabeen eta haien familien eta ingurunearen gizarteratzea hobetzea du helburu nagusi. Debegesatik, koordinazioaz eta kudeaketa ekonomiko eta administratiboa eta jarraipena eta ebaluazioa dinamizatzeaz arduratzen gara.

Helburuak

IMFPB Azitain elkarbizitzarako eta errespeturako gune bihurtzea, gazteek prestakuntza-prozesu egokia izan dezaten.
Gazteen eta haien familien eta ingurunearen bizi-kalitatea hobetzea, oinarrizko zerbitzuak eskuratuz, hala nola hezkuntza eta aukera ekonomikoak.

Gauzatutako ekintzak

1. Ikasleekin esku hartze sozioedukatiboa Kalexka Elkarteako hezitzaileek + IMFPBk gauzatuta

1.1 Testuinguruari buruzko esku-hartzea, ikastetxea prestakuntza-gune bihur dadin non ikasleek bizikidetza-arauak ezagutu eta errespeta ditzaten.

Testuinguruari/ikastetxeari/familiei/inguruneari buruzko esku-hartzea:
- Irakasleei lan-proposamena aurkeztea eta eskariak/beharrak jasotzea. Araudia, hutsegite mota eta diziplina-araubideari buruzko proposamena. Portaera desegokiak kontrolatzea: hausnarketa eta proposamenak familia-testuinguruko erreferenteekin antolaketan eta lanean.
- Ikasleengan esku-hartzea:
  - Araudiari eta portaera desegokiei buruzko jarduera espezifikoak
  - Oinarrizko gaitasun pertsonalak eskuratzen laguntzen duten jarduerak
  - Bizimodu osasungarria eta parte-hartzea sustatzea
  - Beharrezkoa izanez gero, esku hartzeko zerbitzu espezifikoekin edo espezializatuekin koordinatzea
  - Irakasleentzako orientazioa eta/edo laguntza

Banakako esku-hartzea ikasleekin:

Irakasleek ikasleengan zailtasun-egoerak hautemateko adierazleak
- Ebaluazioan zailtasun-adierazleak dituzten ikasleak hautematea/bideratzea tutoreek. Banakako tutoretzak ikasleekin. Irakasleentzako laguntza/orientazioa. Elkarrizketak familiekin prozesuan inplikatzeko.
- Koordinazioa kanpoko eragile, baliabide eta zerbitzuekin.

2.2. Esku-hartze psikologikoa EHUko Psikologia Fakultatearen eskutik.

Lan soziohezitzailearekin batera, esku-hartze psikologikoa landu da Biofeed-back izeneko teknikaren bidez. EHUko Psikologia Fakultateak ezarri du teknika hori, ikastetxeko ikasleen haserrearen eta estresaren kontrol fisiologikorako metodologia berritzaile baten bidez.

Gainera, ilea analizatzeko prozesu bat garatzen da Linkönping-eko Unibertsitateko (Suedia) Kimika Kliniko eta Farmakologiako Laborategiarekin – mundu mailan ilean metatutako kortisolaren analisia egiten duen 5 laborategietako bat (estresaren neurketa) –.

2. Ikasleen inguruko emakumeen gaineko esku-hartzea Zabaltzen Sartu erakundeko hezitzaileek egina

Emakumeekin esku hartzeak bi ardatz nagusi ditu:

Talde-jarduera bat da, joste saioen bitartez dinamizatuta, garapen pertsonalerako eta bizikidetzarako saioen bidez dinamizatua, konfiantzazko eta hazkundeko espazio seguru bat bultzatuz.
Emakume amei laguntza indibiduala ematea, familia barruko gaitasunak hobetzeko.

3. Aisia eta denbora libre

2025eko lehenengo seihilekoan, gizarteko arazo sozialak salatzeko film laburrak egingo dituzte Azitaingo ikasleek Bright Martins bideo sortzailearen laguntzarekin. Proiektua martxan jarri ahala, informazioa helaraziko da.

4. Kirola

Kirolaren helburua inklusioa sustatzea da. Horren harira, 2024ko uztailean lehenengo aldiz “Campus Azitain” izeneko udalekuak gauzatu ziren. Udalekuen hauen helburua ikasleen garapen pertsonala eta soziala sustatzea izan da, hezkuntza- eta jolas-esperientzien bidez. Horretaz gain, bizikidetza eta talde-lana sustatu trebetasun sozialak eta emozionalak garatu eta sormena eta pentsamendu kritikoa bultzatu nahi izan da.