TOPEKIN 2024: Ekintzaileentzako solasaldia Gerardo Brossy ekintzailearekin
2024ko abenduaren 12an, Debegesan TOPEKINen edizio berri bat egingo da. Ekitaldia ekintzailetzari buruzko mahai-inguru bat da, eta bertaratzen diren pertsonentzako ikaskuntza- eta motibazio-iturri izatea du helburu jardunaldiak. Aitor Egurenek (SOMABE) eta Alex Robleñok (OMNIS CLUB) bultzatutako ekitaldi honetan Gerardo Brossyk parte hartuko du, “erdi humanista, erdi ingeniaria” den ekintzaile sutsua.
Eduki digitalen ekoiztetxe baten sorreratik hasi eta artzaintza digitalerako irtenbide berritzaileen garapenera arte, Gerardok bere esperientzia eta ekintzaile gisa izan dituen erronkak partekatuko ditu. Bere esku-hartzea oinarrizko galderen inguruan izango da, hala nola:
- Nola identifikatu negozio-aukera bat eta nola ekin hutsetik?
- Zer estrategia erabili ekintzailetza lan- eta familia-bizitzarekin uztartzeko?
- Nola gainditu oztopoak Euskadin ekintzaile izatean, aldez aurretik kontakturik izan gabe?
- Zer ikasi duzu ekintzaile gisa egin duzun bidean?
TOPEKIN 2024 15:30etik 17:00etara egingo da Debegesaren instalazioetan. Solasaldiaren helburua ez da inspiratzea bakarrik, baizik eta ekintzailetzaren munduan interesa duten profesionalen eta pertsonen arteko elkarrizketa-gune bat sortzea ere bai.
Ekitaldiak Debegesaren eta Gipuzkoako Foru Aldundiaren babesa du, eta erreferente bihurtu da beren aukerak zabaldu eta benetako istorio arrakastatsuetatik ikasi nahi dutenentzat.
Doako sarrera, edukiera mugatuarekin. Informazio gehiagorako eta izena emateko, hemen eman behar da izena: