‘Gipuzkoa Argitu’ programako tailerra Mutrikun, argindar kontsumoari buruz
Gipuzkoako Foru Aldundiko Ingurumeneko eta Obra Hidraulikoetarako Departamentuak, Mutrikuko Udalarekin elkarlanean, ‘Gipuzkoa Argitu‘ programaren baitan, elektrizitate-kontsumoari buruzko datua ezagutzeko eskubidea praktikan jarri eta, hortik abiatuz, erabaki egokiak hartzeko balio duen doako tailerra antolatu du abenduaren 13an, osteguna, 18:00etan, Kultur Etxean (Erdikokalea 28).
Tailer hauek Gipuzkoa Argitu izeneko programaren baitan kokatzen dira eta bere helburua Gipuzkoako sektore ezberdinei (etxebizitzak, merkataritza, enpresa txikiak, etab.) energiaren kontsumoaren murrizketa lortzea eta eraginkortasuna handitzea da, modu erraz batean. Horretarako, Ingururumen eta Obra Hidraulikoetako Foru Departamentuak baliabide-multzo bat jartzen du lurraldeko eragile ezberdinen eskura; hala nola, aurrez aurreko prestakuntza-saioak, on-line tutorialak, aurrez aurreko aholkularitza-zerbitzua Energia Azoketan, Gipuzkoa Argitu programaren web gunea, eta abar.
Tailer praktikoan parte hartu nahi duten herritarrek, abenduaren 11a baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasleen kopurua ezagutzea. Horretarako, honako bideak erabil daitezke:
- Posta elektronikoa bidaltzea ondorengo helbidera: gema@izadi21.eus
- Honako telefono zenbakira deitzea: 628 53 22 48
- Informazio osagarria: www.gipuzkoaingurumena.eus/eu/argitu