Emakumeen lidergoa sustatzea helburu duen ikastaroa Mutrikun

Gipuzkoako Foru Aldundiak diruz lagunduta eta Debegesa garapen agentziak Mutrikuko Udalarekin elkarlanean antolatuta, emakumeen lidergoa sendotzeko ikastaroa burutuko da Mutrikun, “Adimen emozionala genero ikuspegitik” izenburupean.

Ikastaroa nagusiki politika, enpresa edota gizarte arloan erantzukizun postuetan diharduten emakumeei zuzenduta dago eta hiru saiotan banatuko da. Hain zuzen, lehendabiziko saioa urtarrilaren 30ean egingo da, eta hurrengo biak otsailaren 6an eta 13an.

Ikastaro honetan hainbat gai landuko dira, besteak beste, harreman afektiboen baldintza/baldintza ezak, negoziazio eraginkorrerako estrategiak edota jendaurrean hitz egiteko teknikak.

Hiru saioak arratsaldeko 18:00etatik 20:00etara izango dira, Mutrikuko Luardo Etxean. Parte hartu nahi duten emakumeek izena eman behar dute ealonso@debegesa.com helbidera idatziz edo 943 82 01 10 telefonora deituz (Elena Alonso). Izen ematea doakoa da.