Ametsetako herriak saria dakar!

2012-05-15 Iruzkinik ez

Eskolako Agenda 21 programaren baitan eta Gure Balioak ekimenarekin bat eginez, duela aste batzuk abiatu zuen Debegesa garapen agentziak “AMESTU ZURE HERRIA. Zein herri mota eraiki nahi dugu?” lehiaketa.

 

Bi kategoriatan banatuta, adinaren arabera, eskualdeko ikastetxe ezberdinetako ikasleek taldeka parte hartu dute horma-irudiak eta bideoak bidaliz, amesten duten herri edo hiri ideala irudikatuz.

 

Saria zeini eman erabakitzerako orduan, herritarrek izan dute hitza. www.gurebalioak.com atarian horretarako prestaturiko espazioan, botoa emateko aukera izan dute herritarrek, bi astez. Eta dagoeneko baditugu saridunak:

 

– Lehenengo kategorian (6-12 urte), Eibarko La Salle Isasi Ikastetxeko 6.A taldea izan da irabazlea, “Eibar” izeneko lanarekin.

Mural irabazlea ikusteko hemen klikatu.

 

– Bigarren kategorian (12 urtetik gorakoak), Soraluzeko Soraluze BHI Ikastetxeko 2.B taldeak da irabazlea, “Soraluze hobetzekotan gabiltza” bideoarekin.

Bideo irabazlea ikusteko hemen klikatu.

 

Sari gisa, 2 talde irabazleek Euskal Kostaldeko Geoparkeaz gozatzeko ibilaldi bana eskuratu dute. Gaztetxoenek, Mutrikuko Nautilus interpretazio zentroa bisitatu ostean, ibilaldia egingo dute txalupan flysch beltza ezagutzeko. Helduek, Deba ibaian kayak irteera egiteko aukera izango dute.