Dagoeneko Debegesa Facebook eta Twitterren dago

Debegesako webguneak itxura berritu du, irudi freskoa eta erakargarriagoa eskainiz. Horrez gainera, herritarrengana hurbildu nahirik eta parte-hartzea sustatze aldera, komunikazio bide berriak zabaldu ditu sare sozialetan. Hain zuzen, kontua ireki du Twitterren, @debegesa, eta orrialdea sortu Facebooken, www.facebook.com/Debegesa.

Berrikuntzak ere badira. Hala, “Ostiralak Debegesan” ekimenaren baitan antolatzen diren jardunaldietan herritarrek on-line izena emateko aukera dute aurrerantzean.

Hilero 7000 bisita inguru jasotzen ditu webguneak.