Debabarreneko Plan Estrategikoa herritarren partaidetzaren esku

Debabarreneko Plan Estrategikoa berrikusteko prozesuan gaude Debegesan, Eskualdeko Garapen Agentzian, eta herritarrek bere ekarpena egiteko formulario bat prestatu dugu.

2022ra arte indarrean egon den Debabarreneko Plan Estrategikoa eguneratzeko helburuarekin, berria idazteari ekin diogu. Plan honen helburua da 2030. urtera begira inguruko erronkei eta hamarkada honetako aldaketa handiei aurre egitea.

Planaren zirriborroa herritarren eskura jarri dugu hemen, eta deialdia zabaldu du herritarren ekarpenak jasotzeko behin-betikoa osatu aurretik. Era berean, online inprimaki bat prestatu da, prozesuan parte hartu nahi duen edonork bere ikuspuntua eman dezan egindako jarduerei eta landutako ildo estrategikoei buruz.

2030. urterako, Planak hamar proiektu transformatzaile izango ditu, helburu estrategikoei erantzuten dietenak eta beren ekintza propioak dituztenak. Martxoaren 8a arte bete daiteke galdera-sorta. Herritarrek parte hartzeko fase hori bukatuta, Debegesak egindako ekarpenak aztertuko ditu, hurrengo urteetan erabiliko den behin betiko plan estrategikoa zehazteko.

Era berean, aurreko ostegunean, hilak 23, eskualdeko eragileak Debegesako instalakuntzetan izan ziren Planaren inguruko hausnarketa saio batean. 

Formularioa betetzeko arazoak baditugu, bidali zure ekarmenak komunikazioa@debegesa.eus helbide elektronikora.