DEBEGESA eta Debabarreneko LHko zentroak #ABIAN Azokaren 3. edizioaren prestaketa lanetan dabiltza buru-belarri

2017-02-17 Iruzkinik ez

Hirugarren edizio honetan, ABIAN Azokak geure eskualdeko eskaintza formatiboa kalitatezko kualifikazio aukera gisa eta lan merkatuaren beharrizanei ondoen egokitutako ikasketa gisa ezagutzera ematea du helburu. Aurten, gainera ABIAN Azokak lana bilatzen ari diren pertsonen eta lanposturen bat eskaini edota lan-poltsa osatu nahi duten inguruko enpresen arteko topagune ere izan nahi du.

Debabarreneko Lanbide Heziketako zentroek – Armeria Eskola, Uni Eibar-Ermua, IMH, MEKA, Mutrikuko Institutua, Kardala Akuakultura Eskola, OLH Eibar eta OLH Ermua-Mallabia – eta Debegesa eskualdeko garapen agentziak antolatzen dute elkarlanean ABIAN Azoka, bi urtetik behin.

Aurtengoan, ABIAN Azoka martxoaren 29tik 31ra bitarte egingo da Eibarren, Armeria Eskolaren patioan.

Orain arte, eskualdeko 9 enpresek egin dute dagoeneko bat ekimenarekin. Mila esker!

  • Danobat Group
  • IK4-Tekniker
  • Egile
  • EPC
  • Alcorta
  • Etxe-tar
  • Kirolbet
  • Urkotronik
  • AGME