Debegesak bat egingo du Elgoibarko Kontsumo Iraunkorraren eta Arduratsuaren II. Feriarekin

Elgoibarko
Udalaren ekimenez, larunbatean Kontsumo Iraunkorraren eta Arduratsuaren II. Feria
egingo da Elgoibarren eta Debegesak, iaz egin zuen moduan, bat egingo du
ekimenarekin. Goizeko 10:00etatik 14:00etara hainbat jardueratan parte hartzeko
aukera izango dute herritarrek eta denetariko produktuak eskuratu ahal izango
dituzte.

Debegesa
garapen agentziak informazio-postua jarriko du eta abian dituen proiektu
ezberdinen berri emango du. Besteak beste, Debabarreneko garraio publikoaren
mapa berria, ordutegiak barne, aurkeztu eta banatuko zaie herritarrei; Ibai Lagun ekimenak ere izango du tokia
eta espezie inbaditzaileen gaineko informazioa eskainiko zaie interesa agertzen
duten guztiei; haurrei zuzenduta, eskolako 2011-2012 agendak egongo dira
eskuragarri; eta, turismoari lotuta, Debabarreneko eskualdean ditugun BTT
ibilbideen eta oinez egiteko ibilbideen gaineko informazioa ere izango da
eskuragarri.