Debegesak Debabarreneko sektore industrialaren aldeko lanari jarraitzen dio

2013-01-11 Iruzkinik ez

2013an Debegesa Garapen Agentziak Debabarreneko sektore industrialaren aldeko lana egiten jarraituko du, Bai Industriari! egitasmoaren bitartez, enpresek egungo egoera eta erronkei aurre egin diezaieten. Bestela esanda, eskualdeko enpresa industrialen aldeko konpromisoa berresten du Debegesak, balio erantsia duen sektorea baita eta, lehiakortasunari dagokionean, eskualdeak daukan abantaila bat delako.

Urtero moduan, Debegesa eskualdeko enpresa industrialekin jarriko da harremanetan, hauetako bakoitzaren egoera aztertu eta dituzten premiak identifikatu ahal izateko, ondoren euren lehiakortasun-erronkei aurre egiten laguntza eskaini asmoz.

Ondoren, enpresetara bisita pertsonalizatuak egingo ditu Debegesak, garapen agentziak eskaintzen dituen zerbitzuen berri zehatza emateko, hala nola, enpresa proiektu berriak garatzeko laguntza, instituzioekin bitartekaritza, finantzazioa bilatzeko laguntza, lankidetza-itunak, lehiakortasuna eta nazioartekotzea hobetzeko proiektuetarako laguntza, laguntza eta diru-laguntzen gaineko informazioa eta aholkularitza, etabar.

Debabarreneko “Enpresen Gida’ birtualaren eta “Enpresen Mapa” birtualaren gaurkotzea

Jasotako datuekin, besteak beste, Debabarreneko “Enpresen Gida” eta “Enpresen Mapa” birtualak gaurkotu egingo dira. Marketing tresna hauek interneten dohainik ezagutzera emateko aukera ematen die enpresei.

Debegesaren webgunearen bitartez, www.debegesa.com, Interneteko erabiltzaile orok du enpresen gaineko informazioa kontsultatzeko aukera. Debegesako web gunean atal honek jasotzen du bisita kopuru gehien. 2012an 40.000 bisita inguru izan zituen Enpresen Gidak.

Gaurdaino 500 enpresa inguru dira ekimen honetan izena eman dutenak. Honela, enpresa bakoitzak gune edo fitxa bat du informazio aipagarriena biltzen duena, baita euren web gunera joateko lotura ere. Halaber, zerbitzu honi esker, enpresek aukera dute euren lantokia mapa birtual batean agertzeko, bere kokapena are zehatzagoa izan dadin.

Oraindik industria arloko Enpresa Gida birtual honetan izena eman ez duten enpresei deia egiten die Debegesak proiektuarekin bat egin dezaten. Horretarako, Debegesako Berrikuntza  eta Enpresa Sailarekin jar daitezke harremanetan 943 82 0110telefonora deituz edo pymes@debegesa.com helbidera idatziz.