Debegesak enpresen arteko lankidetza sustatuko du Europa mailan plataforma berri baten bidez

Gipuzkoako
Foru Aldundiaren Kudeatuz programari
esker eta Eudel eta Garapen Agentzien Euskal Elkartearen lankidetzarekin, Debegesak
SME Forum europar sarea bultzatu asmo du sarean lan eginez eta kanpoko
merkatuetara hedatuz Debabarreneko industria arloko enpresen lehiakortasuna
sustatzeko.

Debabarrenako
eskualdeaz gainera, plataforma hau osatzen duten Europako beste zonaldeak
Alemania, Erresuma Batua, Irlanda, Errumania eta Italia dira. Honela, Debegesak
eskualdeko enpresak ekimen honetan parte hartzera gonbidatu nahi ditu.
Informazio gehiago eskura dezakete www.sme-forum.eu
webgunean.

Lankidetzarako
plataforma berri honekin Debegesak honako helburuak bete nahi ditu:

• Nazioarte mailan Debabarrenekoen
  antzeko industria arloko enpresa txiki eta ertainen jarduera egokiak ezagutuz
  eta aztertuz esperientziak partekatzea.
• Eskualdeko enpresen artean izaera
  transnazionaleko lankidetza-sareak sendotzea enpresa berrien sorrera ahalbidetu
  asmoz.
• Jarduera ekonomiko berriak
  ahalbidetuko dituzten enpresa proiektuen garapena sustatzea,
  enpresa-lankidetzaren formula lehenetsiz.
• Pertsona ekintzailearen figura
  azpimarratzea, profesional mailan nahiz maila sozialean.
• Tokiko garapenarekin lotutako
  programak edota enpresa txiki eta ertainak laguntzeko programak sustatzea eta
  martxan jartzea. 

Bestalde,
programak honako ekimenak hartzen ditu bere baitan:

• Eskualdeko
  mapak, enpresen lehiakortasuna bultzatzeko eta enpresen
  sorrera, sendotzea eta zabaltzea laguntzeko neurriak bilduko dituztenak.
• Lankidetza
  proiektuak, sarea osatzen duten agente ezberdinen artean.
• Jarduera
  egokien gida, enpresa txiki eta ertainei zein parte hartzen ari
  diren eskualdeetako elkarteei zuzenduta sormenaren arloan
  erreferentzia-ekimenak bilduko dituena.

Europako
ekimen honetan parte hartu nahi duten Debabarreneko enpresek Debegesarekin jar
daitezke harremanetan helbide honetara idatziz: pymes@debegesa.com.