Enpresa-Berrikuntza Soziala ardatz duen jardunaldia Debegesan

Debegesak,
Debabarrenako Garapen Ekonomikorako Elkarteak, Innobasque, Gaia, Ibarmia eta
Sinnple erakundeekin elkarlanean, Enpresa-Berrikuntza Soziala ardatz duen jardunaldia
antolatu du ekainaren 29rako eskualdeko enpresei zuzenduta.

Enpresa-Berrikuntza
Sozialak enpresen eraldaketa bilatzen du 100% iraunkorrak diren negozio
ereduetara igaroz, berrikuntza aldaketarako tresna gisa erabiliz.

Honela,
jardunaldiaren helburua da enpresa berrikuntza soziala zer den ezagutzea eta
enpresari ze lehiaketa-onura ekar dakiokeen ezagutzea. Era berean, Radar IS
proiektua aurkeztuko da: enpresa berrikuntza sozialaren radarra diseinatzen ari
dira enpresei eraldaketa honetan laguntzeko asmoz, eta jardunaldira
gerturatutakoei proiektuan parte hartzeko gonbitea luzatuko zaie.   

Jardunaldia
doakoa da eta Debegesaren egoitzan burutuko da, Eibarko Azitain Industrialdean,
goizeko 09:30etatik 11:30etara.

Parte
hartzeko interesa dutenek Debegesarekin
harremanetan jar daitezke 943 82 01
10 telefonora deituz edota pymes@debegesa.com helbidera idatziz.