Harreman komertzialak “Ostiralak Debegesan”

“Ostiralak Debegesan” ekimenaren baitan, Debabarreneko enpresei zuzendutako jardunaldia antolatu du Debegesak datorren ostiralerako, ekainak 29, harreman komertzialei buruzkoa.

Gestcoaching enpresaren eskutik, harreman komertzialak optimizatzeko erreminta berriak ezagutzera ematea du helburu jardunaldiak, emaitzak hobetzeko helburuarekin. 

Saioa goizeko 9:30etik 11:00etara izango da eta parte-hartzea doakoa da.

Jardunaldi hau Valora programaren baitan kokatzen da eta Europako Gizarte Funtsak %50ean finantzatuta dago, Euskadiko 2007-2013 programa operatiboaren bitartez.

Parte hartu nahi dutenek, izena eman dezakete on-line www.debegesa.com web orrian, 943 82 01 10 telefonora deituz edota pymes@debegesa.com helbidera idatziz.