Interneteko azken joerak Ostiralak Debegesan

Ostiralak Debegesan ekimenaren baitan, datorren ostiralean, apirilak 27, jardunaldia eskainiko du Debegesak, Euskadi+Innovaren eskutik, Interneteko azken joerak azalduz. “Internet 2012, ezagutzen zenuena historia da dagoeneko” izenburupean, saioa edozein arlotan lanean dabiltzan profesionalei zuzenduta dago, Interneteko erreminta berriak eta azken berrikuntzak ezagutu nahi dituzten guztiei.

Azalpen argiak emanez eta kasu praktikoak azalduz, ondoren norberak bere enpresan aplika ditzan, jardunaldiaren helburua Interneteko azken joerak ezagutaraztea da.

Esan beharra dago, jardunaldi hau 2011ko azaroan eskainitakoaren ondorengoa dela, eta edukiak guztiz ezberdinak izango direla, erritmo bizian aldatzen doan sektoreaz ari baikara.

Jardunaldia goizeko  9:00etatik 12:30era egingo da Debegesak Eibarko Azitain industrialdean duen egoitzan. Izen-ematea guztiz doakoa da.

Parte hartu nahi dutenek, izena eman dezakete on-line www.debegesa.com web orrian, 943 82 01 10 telefonora deituz edota pymes@debegesa.com helbidera idatziz.