“Kalitatea lehiakortasunerako eta internazionalizaziorako” jardunaldia

Debegesa Garapen Agentziak eta SN-Servicios Normativos enpresak antolatuta, datorren ostiralean, hilak 26, jardunaldia egingo da “Kalitatea lehiakortasunerako eta internazionalizaziorako” izenburupean, ‘Ostiralak Debegesan’ ekimenaren baitan.

Hizlari arituko da Francisco Javier Vergara Monasterio, SN-Servicios Normativos enpresako Kalitate Arduraduna. 

Jardunaldi honen helburua da kalitatea zer den azaltzea, nola kudeatzen den eta zeinengan duen eragina. Era berean, bezero edota bazkide komertzial baten aurrean Kalitatea nabarmentzeak dituen onurak azaltzea du helburu saioak.

Gainera, ziurtagirien garrantziari buruz hitz egingo da, herrialde ezberdinetako organizazioek elkar ulertzeko duten hizkuntza diren heinean.

Jardunaldia Debabarreneko edozein sektoreko enpresetako zuzendaritza taldeko langileei zuzenduta dago. Debegesan burutuko da goizeko 9:00etatik 10:30era. Izen-ematea doakoa da.

Jardunaldia Valora programaren baitan kokatzen da eta Europako Gizarte Funtsak %50ean finantzatuak dago, Euskadiko 2007-2013 programa operatiboaren bitartez.

Parte hartu nahi dutenek, izena eman dezakete on-line www.debegesa.com atarian, 943 82 01 10 telefonora deituz edota pymes@debegesa.com helbidera idatziz.