Debabarrenekoa bazara, 50 urte baino gehiago badituzu eta ikasteko eta gizartean parte hartzeko gogoz bazaude, eman izena! Debabarreneko Esperientzia Eskolak esperientziak elkartrukatzeko eta intereseko hainbat alorretan formatzeko aukera eskainiko dizu.
Debabarreneko eskualdean gizarte balioen arloan nabarmendu den pertsona edo erakundeen jarduna aitortzea eta saritzea du helburu Gure Balioak Sariak. Hautagaiak aurkezteko epea uztailaren 24ra arte egongo da zabalik.
Pasa den maiatzaren 22an Debagoieneko Mankomunitateak eta Debegesa garapen agentziak enpresa industrialen arteko I. Topaketa antolatu zuten enpresen arteko harremanak eta lankidetza sustatze aldera.
Energia Jasangarriaren Europako Astearen baitan antolatu da bisita #EUSEW15
Energia Jasangarriaren Europako Astea ekainaren 15etik 19ra burutuko da. Egitasmo honen baitan, gaur, hilak 17, Mogel auzoan burutu den birgaitze proiektuari buruzko ikus-entzunezkoa aurkeztuko da Eibarko udaletxean; ostegunean, aldiz, bisita tekniko gidatua egingo dute Mogel auzora EAEko Birgaitze Hirigintza Elkarteetako kideek.
Pantalan berri honi esker Euskal Kostaldeko Geoparkeko itsas-irteeretan parte hartzen duten bisitariek Deban ontziratzeko eta lehorreratzeko aukera izango dute. Aldi berean, jarduera turistikoa suspertu nahi da herrian.
Ostiralak Debegesan ekimenaren baitan, hilaren 12an, goizeko 09:30etan, .eus domeinuaren inguruko jardunaldia izango da, Debegesa Garapen Agentziak eta PuntuEus fundazioak antolatuta. Debabarreneko enpresei dago zuzenduta saioa eta parte hartzea doakoa izango da, aurrez izena emanda.
Hitzordua ostiralean izango da, hilak 5, 18:00etan, Eibarko udaletxean. Sarrera irekia eta doakoa izango da, lekua bete arte.
Ekainaren 5ean eta 6an Debabarrena Ekinean Azoka egingo da Eibarko Unzaga plazan herritarrei eskura dituzten baliabideak gerturatu eta ezagutzera emateko asmoz. Azokarenkin batera, hainbat ekintza antolatuko dira, horien artean azpimarragarriena ROBERTO ETXEBERRIA diseinatzaile eibartarrak ostiralean, 18:00etan, eskainiko duen hitzaldia.
Debegesa garapen agentziak, Debabarreneko Udalekin elkarlanean, “Debabarrenean energia aurreztuz” sentsibilizazio programa jarri du abian energiaren aurrezpena eta eraginkortasun energetikoaren inguruan, eskualdeko janari-denda, enpresa industrial eta herritarrei zuzenduta. Energia eta eraginkortasun energetikoaren inguruko ezagutza sustatu nahi da ekimen honekin.
Debagoieneko Mankomunitateak eta Debegesak elkarlanean antolatuta, Topaketaren helburua enpresen arteko lankidetza erraztea eta negozio aukera berriak sustatzea izan da.
Enpresa industrialen arteko I. Topaketa ostiralean egingo da, hilak 22, Debegesaren egoitzan, Eibarren, Debagoieneko Mankomunitateak eta Debegesak elkarlanean antolatuta. Topaketaren helburua da enpresen arteko lankidetza erraztea eta negozio aukera berriak sustatzea