“Arbasoen Deia” egitasmoaren baitan, abenduko zubirako bi hitzordu antolatu dira. Batetik, Burdinolen Ibilbidea egiteko aukera izango da abenduaren 6an. Abenduaren 8an, aldiz, historiaurrea ezagutu eta milaka urtetako bidaia egiteko aukera paregabea eskainiko da, Paleolitoko Ibilbidean barrena.
Debegesako Mentoring Programa lan-ibilbide zabaleko profesionalen eskutik ekintzaileei laguntza emateko ekimena da, proiektu berritzaile edota singularrak bultzatzeko helburuarekin.
Tokiko Jasangarritasunerako Jardunbide Egokienei Udalsarea 21 Sariak banatzeko ekitaldia atzo egin zen Donostiako Kursaal Jauregian, Euskadiko udalerrientzako Tokiko Agenda 21en IX. Jardunaldiaren baitan. Elgoibarko Udalak eta Debegesak sari bana eskuratu dute, Aldaketa Klimatikoa eta Biodibertsitatea kategorietan.
“Deba Ibaia Bizigura” programaren baitan, aste honetan Gipuzkoako Foru Aldundiko langileak aurrez identifikatutako eremuetan landare inbaditzaileak errotik kentzeko lanetan dabiltza buru-belarri. Hain zuzen, Eibar eta Elgoibarren aritu ostean, gaur Mendaron eta Deban jardungo dira.
Ikastaroa Debabarreneko eskualdean sortu berri diren enpresei eta jarduera berri bati ekin nahi dioten ekintzaileei zuzenduta dago. Izen-ematea guztiz doakoa da.
Armeria Eskolaren mendeurrena dela-eta, 2012an, Eibarko Udalak, IK4-TEKNIKERek eta Armeria Eskolak “Eibar industriala. Teknologia: Iragana, egungoa eta etorkizuna” antolatu dute; hain zuzen ere, Eibarren industriak izan zuen bilakaera herritarrei gerturatzeko jardunaldiak izango dira. Jardunaldi irekiak izango dira, Eibarko Armagintzaren Museoa eta IK4-TEKNIKERen instalazio berriak bisitatzeko eta zuzen-zuzenean ezagutzeko herriko industria-sektorearen oraina eta geroa.
Informazioa zabaldu eta partekatzeko kanal berri bat da, ekintzaile eta enpresei zuzenduta, negozio aukera eta eskualdean ditugun enpresa-inkubagailuei buruzko informazioa emateko. Interesa dutenek iragarki-taulara sar daitezke Debegesako webguneko portadatik.
Elgoibarrek ere Saria eskuratu du aldaketa klimatikoa kategorian, EMUGI proiektuagatik.
Ibai Lagun egitasmoaren baitan, Mijoa eta Deba ibaiak garbitzeko auzolanak egin zituzten larunbatean Mutrikun eta Elgoibarren. Ekimen hauen bitartez, ibai eta errekak zaintzeko eta babesteko ardura denok dugula ohartarazi nahi izan dute antolatzaileek.
Bisitariak artzain kulturaren aztarnak ezagutuko ditu ibilbide honetan barrena, Karakate-Irukurutzeta mendilerroan. Irteera goizeko 10:00etan izango da, Karakateko parkingetik.
Debabarreneko eskualdean turismo gastronomikoa bultzatu asmoz, bilera egin zen atzo Debegesan turismoarekin eta gastronomiarekin erlazionatutako zerbitzuak eskaintzen dituzten eragile publiko nahiz pribatuekin. Eskualdeko 35 agente turistiko azaldu ziren bertara.
Goizeko 10:00etan izango da hitzordua, udaletxeko plazan. Parte hartzeko asmoa duten herritarrei aurretiaz jakinaraztea eskatzen zaie: 943 82 01 10 telefonora dei dezakete edo debaibaia@debegesa.com helbidera idatzi.