Soraluzeko Udalak eta Debegesa garapen agentziak elkarlanean antolatuta, datorren ekainaren 9an emango zaio hasiera ekintzailetasuna lantzeko ikastaroari, enpresa edo negozio propioa abian jarri nahi duten herritarrei zuzenduta. Dohainik izango da eta izena emateko epea zabalik dago. Plaza mugatuak daude.
Datorren asteazkenean, ekainak 4, kostu baxuko 3D inpresioari buruzko jardunaldia eskainiko du Debegesak Debabarreneko enpresei zuzenduta.
Eibarko Arrate Kultur Elkartearen Topaleku Aretoan izan da gaur aurkezpena. Aurkezpenean izan dira Basquetourreko zuzendari Arantza Madariaga, Debegesako zuzendari Juan Angel Balbas eta Debabarreneko klubeko ordezkari Oscar Treviño.
Datorren maiatzaren 29an “Zure e-commerce dendari etekin handiena ateratzeko modua” jardunaldia eskainiko du Debegesak, Miramon Enpresa Digitalaren laguntzarekin. Bi orduko iraupena izango du saioak, 14:00etatik 16:00etara. Parte-hartzea doako da.
Gipuzkoako Foru Aldundiak sustatuta, Kolonbiako enpresarien ordezkariek osatutako delegazio bat iritsi da gaur goizean Debabarrenera, industria arloko enpresen berri jaso eta interesekoak dituzten sektoreak ezagutzeko asmoz.
Kolonbiako enpresarien ordezkariek osatutako delegazio batek Debabarrena eta Gipuzkoako beste eskualde batzuk bisitatuko dituzte datorren astean, interesekoak dituzten sektoreak ezagutzeko asmoz.
Astelehenean, hilak 12, Debabarrenera egingo duten bisitan Debegesa Garapen Agentzia eta eskualdeko industria arloko hainbat enpresa ezagutuko dituzte.
Debegesak abian jarritako ekimen hau Eskolako Agenda 21 programaren baitan kokatzen da. Debabarrenean 27 dira egitasmo honetan parte hartzen duten ikastetxeak. Helburua da ikasleen artean elikadura osasungarria eta jasangarria sustatzea.
Bizikleta zaleei zuzendutako Canal + kateko ‘Planeta Bike’ telebista programak Debabarreneko BTT Zentroari eskainiko dio maiatzean saioetako bat eta, hori dela eta, programako lantaldea Debabarrenean egon da azken hiru egunetan irudiak grabatzen. Debabarreneko BTT Zentroari eskainitako programa maiatzaren 23an emitituko dute Canal + Deportes katean.
Gizarte Segurantzaren Diruzaintza Orokorrak aurki Cret@ proiektua ezartzeko asmoa duela eta, Debegesak, Mutua Universal-ekin elkarlanean, saio informatiboa antolatu du sistema berriari dagozkion alderdi guztiak ezagutzera emateko.
Ermuko Udaleko Toki Garapeneko Sailak udalerrian jarduera sozioekonomikoa bultzatu eta udalerrira ezagutza erakartzeko asmoz, jarduera sorta zabala antolatu du maiatzaren 5etik 9ra…
LAN ESKAINTZA. Debegesa, Debabarreneko Garapen ekonomikorako elkartea, Gure Balioak proiekturako teknikari bat bilatzen ari da, besteak beste, eskualdean balioen inguruan egindako lanak…
Debabarreneko Energia Jasangarrirako Planak eskualdeko udalerrietan energiaren egoera hobetzeko estrategia bateratua finkatzen lagunduko du eta Udalen energia kudeaketa egokia erraztuko du.