Debegesa Garapen Agentziak, ‘IE Team Consultores’ enpresarekin elkarlanean, jardunaldia antolatu du ostiralerako, maiatzak 17, Suedian negozioak egiteko aukeren gainean. Parte hartzea doakoa da.
Interesa dutenek Lanbideren bitartez eman behar dute izena, maiatzaren 13a baino lehen.
Enpresa Digitalaren eskutik, maiatzaren 9an eta 10ean ikastaroa eskainiko du Debegesak “Gizarte-sareetan lortzen den inpaktua neurtzeko sistema profesionalak” izenburupean. Iker Merchan teknologia berrietan adituak eskainiko du ikastaroa eta izena ematerakoan 30 euro ordaindu behar dira.
Debegesa garapen agentziak webgune berria sortu du interneten, www.berrekin.com, euren negozioa errentan utzi edo saldu nahi duten pertsonak enpresa-proiektu bat abiatu nahi duten ekintzaileekin harremanetan jartzeko helburuarekin. Ekimenak enpresen jarraipena bilatzen du, eta gaitasun ekintzailea duten pertsonei laguntzea.
Eibarko Ignacio Zuloaga Institutuko ikasle Luisa Castro suertatu da garaile eta tablet bat jaso du opari! Zorionak!
Atzo eta gaur, apirilak 23 eta 24, ari da burutzen Tecnaliaren egoitzan, Zamudion, “ZenN” programa europarrari hasiera emateko bilera. Ekimen honen barruan dago Mogel auzoa birgaitzeko proiektua, etxebizitza-eraikin hauen eraginkortasun energetikoa eta irisgarritasuna hobetzeko helburua duena.
‘Ostiralak Debegesan” ekimenaren baitan, datorren ostiralean, apirilak 26, kalitatearen gaineko jardunaldia eskainiko du Debegesak. Izen-ematea doakoa da.
Debegesa Garapen Agentziak, SPRIren Bitarteko Eragile den heinean, eskualdeko enpresei ‘+Innova Txekea’ programari buruzko informazioa eskaintzeaz eta eskaerak bideratzeaz arduratuko da. Eskaerak egiteko epea zabalik dago 2013ko ekainaren 7ra bitartean.
Plan honek kontratazioak eta prestakuntza ikastaroak jasotzen ditu, langabeei zuzenduta; Diru-sarrerak Bermatzeko Errenta jasotzen duten lagunek lehentasuna izango dute.
Datorren asteburuko bisita gidatuen artean, bi esperientzia haurrei zuzenduta daude bereziki: “Flyscha haurrentzat” eta “Artzain Txikiak”.
Geoparkeak aurtengo bisita gidatuen programa berria aurkeztu du gaur, bertako zein kanpotik etorritako bisitariei esperientzia eta bisita gidatu eskaintza zabal eta askotarikoa eskainiz.
Dolmenen Ibilbideak, PR-Gi 94 izendapenarekin, 20 kilometro dauzka Karakate-Agirreburu banalerroa zeharkatuz eta Elgoibar, Soraluze eta Bergarako udalerriak lotzen ditu. Balio natural eta kultural handia duen ibilbidea da. Bertan, gure arbasoen aztarnak ikus daitezke, Elosua-Plazentzia estazio megalitikoa osatzen duten tumulu eta dolmen multzoa, alegia.