Eibar: ekialdea berritzen
DEBEGESA garapen agentziatik sortutako programetako bat da “Eibar: ekialdea berritzen”. Egitasmo hau gizarteratzeko eta laneratzako prestakuntza-, enplegu- eta orientazio-proiektua da, inbertsio estrategikoen planaren barruko hiri-berroneratze integraleko proiektuei lotua. Helburua egoera zaurgarrian dauden gazteak lan-munduan sartzen laguntzea da prestakuntza, orientazio eta kontratazio prozesu baten bidez. 10 pertsonei dago zuzenduta.
Hauek dira programan parte hartu nahi duten hautagaiek bete beharreko baldintzak:
30 urte edo gutxiago izatea.
DBE eta BGD onuradunek eta iraupen luzeko langabetuek lehentasuna izango dute.
Langabezia egoeran egotea eta Lanbiden alta emanda.
Eibartarrek edo ingurukoek lehentasuna izango dute.
Prgrama hiru fasetan banatzen da:
1. fasea: formakuntza
- Fase honetan, parte-hartzaileek profesionaltasun-ziurtagiri baten formakuntza egingo dute, zehazki, “Estaldura arin eta teknikoetako oinarrizko eragiketak eraikuntzan (EOCJ0311)” formakuntza, 270 ordukoa.
- Beka: 360 euroko ordainsaria jasoko dute ikasleek.
2. fasea: formakuntza eta lanaldia
- Parte-hartzaileei prestakuntzarako eta ikaskuntzarako kontratua egingo zaie. Horrela bada, euren lanaldiaren % 65 espazio publiko bat birgaitzen igaroko dute eta % 35 formakuntzan.
- Fase honek 10 hilabete iraungo ditu.
3. fasea: orientazioa
- Prozesu guztian zehar, ikasle bakoitzak 100 orduko orientazio zerbitzua izango du.
Gizarteratzeko eta laneratzeko prestakuntza-, enplegu-, orientazio- eta laguntza-proiektua da “Eibar: ekialdea berritzen”, Euskadiko 2022-2024ko inbertsio estrategikoen planaren esparruan hiri-berroneratze integralerako proiektuari lotua eta Eusko Jaurlaritzako Lan eta Enplegu Sailak finantzatua. Eibarko Udalak ere finantzaketaren zati baten lagundu du.
